NRK Hordaland

1. Fløyfjelltunnelen opna igjen – framleis kø

   E39 Fløyfjelltunnelen i Bergen er har opna igjen, etter ein motorsykkel fekk stans i venstre køyrefelt i retning Åsane. Stenginga har ført til ein del kø. Vegvesenet melder at det er venta at køen vil henge igjen ei stund framleis.

2. Innstilling til nytt styre i Sogndal Fotball

   Fredag la valnemnda fram si innstilling til nytt styre i Sogndal Fotball. Valnemnda starta prosessen etter førre sesong og seier at det har vore omfattande og tidkrevjande. Dei har teke i mot innspel og ønskjer frå fleire roller og har no sett saman eit styre dei håpar gjenspeglar desse. – Det blei utfordrande å få til sidan det har vore stilt ein del krav om styresamansettinga både frå omgjevnadane og sponsorar. Valnemnda ønskjer fornya tillitt til Jan Rune Årøy som styreleiar, og Andrea Solbakken som styremedlem. To nye namn står også på blokka som styremedlem; Knut Armand Iversen og Tom Rune Kongelf.

3. E39 Fløyfjelltunnelen opna igjen

   E39 Fløyfjelltunnelen i Bergen har opna igjen, etter er kort stenging i retning Åsane, melder Vegvesenet. Årsaka var eit køyretøy med stans i tunnelen. Det vart skifta dekk på personbilen som stod i ei havarilomme.

4. Store trafikale endringar under Bergen City Marathon

   Det blir store endringar i trafikken i Bergen sentrum når Bergen City Marathon går av stabelen laurdag 26. april. Trafikken vil bli påverka allereie frå kl. 18.00 fredag kveld. Det gjeld vegar i heile ruteområdet. Frå Bryggen og Sandviken til Fjellvegen, Møllendal og Nordnes. Bussruter vil bli lagt om og fleire vegar vil bli stengde eller få redusert framkomst. Den fulle oversikta over trafikale endringar får du på Bergen City Marathon sine sider.

5. Droppar krav om å få tilbake stillinga i reklamebyrået

   Susanne Svendsen (35) droppar no kravet om å få tilbake stillinga si i reklamebyrået Apriil, skriv BA. Arbeidskonflikta mellom Svendsen og det bergensbaserte reklamebyrået dreia seg om ein vanskeleg økonomisk situasjon og usemje om rollefordeling. I august 2024 vart Svendsen avsett, og ho gjekk då til søksmål mot den tidlegare arbeidsgivaren. No ønsker ho ikkje lenger jobben tilbake, men vil krevje erstatning for urettmessig avskjed. – Eg har innsett at verdigrunnlaget som konsernleiinga i Apriil står for er heilt uforsonleg med mitt eige verdigrunnlag, seier Svendsen til BA. Saka skal gå i Hordaland tingrett 19. august.

6. Fv. 49 Folgefonntunnelen open igjen

   Fv. 49 Folgefonntunnelen, mellom Odda og Austrepollen, har opna igjen etter ei kort stenging, melder Statens vegvesen. Årsaka til stenginga var berging av eit køyretøy.

7. Redusert kapasitet på fergesambandet Gjermundshamn - Varaldsøy - Årsnes

   På avgangen kl. 09.00 mandag 28. april vil det være redusert kapasitet fra Gjermundshamn. Det melder Vegtrafikksentralen. Det vil være kapasitet på maks. 12 passasjerer. Det skyldes transport av farlig gods.

8. Politi-PC fall av i rundkøyring

   Politiet har varsla Datatilsynet om ein laptop på avvegar. I midten av februar vart ei pålogga datamaskin gløymd att på taket på eit utrykkingskøyretøy. Under køyring fall denne av i ei rundkøyring, og seinare funnen av ein forbipasserande. Vedkomande skal ikkje ha fått tilgang til innhaldet på laptopen, sjølv om denne var på. – Det er sannsynlegvis ingen som er påverka, men analysane frå IT-avdelinga kan eventuelt sjå om nokon er påverka, står det i meldinga.